Oд уч. 1994/95 група полски јазик и книжевност како главна насока (популарно наречена А насока). Тоа се четиригодишни студии (8 семестри), околу 22 часа неделно и задолжителен избор на втор главен предмет (под Б) и пишување на дипломска работа (Види детаљно...) од македонско-полска јазична или литературна конфронтација. Согласно со потребите на Република Македонија запишувањето на главната насока (под А) е генерациски ограничено (кога една генерација ги завршува полонистичките студии во наредната уч. година започнува новата генерација):
- Прва генерација полонисти запишани уч. 1994/1995 – апсолвирани уч. 1997/1998;
- Втора генерација полонисти запишани уч. 1998/1999 – апсолвирани уч. 2001/2002;
- Трета генерација полонисти запишани уч. 2002/2003 – апсолвирани уч. 2005/2006;
- Четврта генерација полонисти запишани уч. 2006/2007.
Од уч. 1983/1984 група полски јазик и книжевност како втора главна насока (популарно наречена Б насока). Тоа се тригодишни студии (6 семестри), 8 часа неделно и пишување на семинарска работа (Види детаљно...) од македонско-полска јазична или литературна конфронтација;
Од уч. 1959/60 полски јазик како странски јазик (популарно наречена Ц насока). Тоа е едногодишен или двегодишен курс (2 или 4 семестри), 8 часа неделно. Курсот овозможува пасивно знаење на полскиот јазик и користење на предметна литература на полски јазик во рамките на главните предмети под А и под Б што се студираат на Филолошкиот факултет „Блаже Конески”, како и минимум комуникација во полска средина(Повеќе...).
Подигнување на нивото на полонистиката од ниво на странски јазик (под Ц) до главна насoка (под А) и втора главна насока (под Б) се случи благодарение на присуството и залагањата на академик Зузана Тополињска.
Од уч. 1997/1998 постои насока по полски јазик за постдипломски (магистерски) студии од областа на лингвистиката (македонско-полска и полско-македонска јазична конфронтација).
